گفتار در صابری و تسلیم به رضای باری شدن حضرت ابراهیم خلیل الله علیه السلام
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
1 دقیقه
933 مشاهده
چون خەلیل جە نار نەمروود بی زەلیل
حازر بی جە لاش «اخی جبرئيلعربی»
عەرز کەرد نە حوزوور نەبی ئیبراهیم
دەعوەت کەر جە حەق جە نار بیت سەلیم
خەلیل وات ڕەزای وێشەن ئەی حوججەت
جە ناڕەزای حەق کەی ڕەوان دەعوەت
جە باڵا و ئاسیب سەدەمەی ئەییام
هەر ئان و زەمان تەسلیم بە ڕەزام
ئێدەن قاعیدەی جوملە عاشقان
بە قەهر و لوتفش خوڕڕەم و خەندان
ئەر بە ئەمر دۆست بسۆزوون بە نار
ئەوسا پەرێ من شەئنەن، ئیفتیخار
ئەوسا ئەمرش کەرد بینای «لاينامعربی»
«يا نارُ كونی بردا وسلامعربی»
قابیل شەخسەن تەسلیم و ڕەزا
نەک چۆ کەس ئیبلیس کەردەنش ئیغوا
چون ماددەی خەلیل کەردی ئیختیسار
باوەڕ بە ئەوساف ئەولیای کیبار
«فی هذا القياسعربی» ئەنبیا و ڕەسوول
جەبری حوکم حەق کەردەبین قەبوول