سەنەمێ ژ قەوسێ ئەبروو دو هلالێ نەو نوماندن
از کتاب:
دیوانی مەلای جزیری
اثر:
ملای جزیری (1570-1640)
1 دقیقه
750 مشاهده
سەنەمێ ژ قەوسێ ئەبروو دو هلالێ نەو نوماندن
دو کەمان ل بورجێ میزان ب غەزەب ل من کشاندن
نە دو نوون قەلەم موقابل ب بەدیع خەت نڤیسین
دو هلالێ دەستێ قودرەت ب قرانێ یەک کشاندن
چ بەراتێ حوسنە یا رەب ب نشانێ پادشاهی
ب تەرەف دو توررە، توغرا وە ب ماوەرێ ڕەشاندن
ئەلیف و دو لام و هێ دین مە د ئایەتا جەمالێ
ژ جەگەر مە کر تەسەللی و ژ سینە دەست فەشاندن
نە تنێ ژ قشت و زولفان مە د سینە سەد کولابن
ل جەگەر سییەهـ کەمانان دو هەزار تیر ڕەشاندن
ژ جەگەر مەلاتخلص پلنگان ب کولابێ پەنس کەر کر
ئەسەدان ژ پەنجە ڤێڕان دل و سینە هەڕشاندن