«تعالی الله» زهی حوسنا موبارەک
از کتاب:
دیوانی مەلای جزیری
اثر:
ملای جزیری (1570-1640)
1 دقیقه
495 مشاهده
«تَعالی اللهعربی» زهی حوسنا موبارەک
تەبارەک سەد تەبارەک سەد تەبارەک
مەگەر شیرین ب ڤێ شیرانییێ بوو
«ألا شَمْسُ الَملاحَةِ قَدْ تُشارَكْعربی»
ژ غونچێن غونچەیا وێ گولعزارێ
مە هەر غونچەک د دل دا مایە خارەک
ل تەختێ دلبەرێ ڕوونی ب شاهی
ل تە شاهی موبارەک بت موبارەک
ژ دیدارێ مورادا من ببەخشی
مورادا من ژ تە دیدارە جارەک
د دل دانی و دیسا دل دسۆژی
«أتحرِق يا مليكَ الْحُسنِ دارَكعربی؟»
ل تایێ عەرعەرا مەستانە نازک
ژ لەونێ عەنبەری مەخمووری بارەک
د بێژم دا ب حالێ من بزانی
ژ بەر حوببا تە بێ حالم ب جارەک
عزارێ گەر ل من دی تو ل دل دە
«لأنَّ الْقلبَ قد يهوی عذارَكْعربی»
تە جەرگێ من ژ دل کر پارە پارە
«فَجارَكْ يا بديعَ الْحُسنِ جارَكْعربی»
وەرە خانم بکوژ بستە ب خەنجەر
مەلێتخلص ئەمما ب دەستێ خوەی موبارەک