نازکەک من سەحەرێ دی ب جەمالا خوە نە وەک
از کتاب:
دیوانی مەلای جزیری
اثر:
ملای جزیری (1570-1640)
2 دقیقه
667 مشاهده
نازکەک من سەحەرێ دی ب جەمالا خوە نە وەک
حوور و ولدان و پەری بوو، نە بەشەر بوو، نە مەلەک
وەر تەماشایێ شەهیدێن خوە کە جارەک تو بنێ
«أحسَن اللهُ تَبارَكعربی» ژ دو چەهڤێن د بەلەک
سونبولێن تەڕ ل گولان پال ب مەستی ددەرن
سووسنێن تازە ل نەسرین وەرەقان بوونە هەلەک
نازکا من کو ب مەستی د چەمەن هاتە خەرام
ژ حەسەد چوونە خوسووفێ مەهـ و مهرێ د فەلەک
ئێ ژ غەفلەت تە ببینت کو دمینت؟ هەیهات!
تە ب چەهڤێن د بەلەک کوشتنە مەزلووم گەلەک
زەررەیەک عشق گها کێ و ژ عەقلێ خوە نەبر
«كُلُّ مِنْ صادَفَهُ داهِيَةُ الْعِشقِ هَلَكْعربی»
خوسرەوێ عشقێ کو ڕوونشت ل سەر تەختێ ووجوود
«فَتَحَ الْقَلبَ عَلَی الْفَورِ وَ لِلْرَوحِ مَلَكْعربی»
وەهـ چ عشق و چ سەلامەت هەردو دوورن ژ یەکێ
«كُلُّ مَنْ يَسْلُكُ حُبّاً سُبُلَ النار سَلَكْعربی»
ئاهـ بێگاڤ ژ دل تێن مە ژ پێتا د جەگەر
بەس تو بێ فەیدە نەسیحەت کە مە دل بوویە پەلەک
ما ژ عومرێ مە چ مابت وەرە ئێدی ڤ مە ڕا
دا د ئەقتارێ ووجوودێ بکرین سەیرێ مەلەک
د ئستوائێ کو ژ حوسنا تە ڤەدا لامعەکێ
«نَظَرَ الشَمْسِ مِنَ الشَرقِ إلی الْغَربِ دَلَكْعربی»
ئافتابێ کو نە تەسویر ژ حوسنا تە بتن
«نورُها فی نَظَری ظُلْمَةُ داج وَ حَلَكْعربی»
ژ هەوا بەند تە کرم شوبهەتی بایێ د سڤک
چ ژ بسکا تە ببێم؟ ئاهـ ژ بسکا تە چەلەک!
ئەز ژ بسکا تە ڤەڕستم مە تەلەب کر لەبێ لەعل
لێ د چاها زەقەنێ بێ سەر و پا چوومە هەلەک
ب ئومێدا تە هومایێ نە مەلێتخلص تۆڕ ڤەدا
وەر تەماشایێ جەهان بوویە هەمی تۆڕ و شەبەک