کودوورەت کوشتمی یاران! لە دڵهادا سەفا کوێ چوو؟
از کتاب:
دیوانی سالم
اثر:
سالم (1800-1866)
1 دقیقه
437 مشاهده
کودوورەت کوشتمی یاران! لە دڵهادا سەفا کوێ چوو؟
جەفاجۆم جەمعی ئەحبابن! بڵێن ئاخر وەفا کوێ چوو؟
بە خوێنم تیشنە جەمعێکن کە هەر یەک خوێشخۆن ڕەسمەن!
میانجی بوو وەفا، هەستا لە بەینا، بەس حەیا کوێ چوو؟
جەسارەت بەرزەخی شەرمی لە ڕووها دایە لا، هەر سوو
غەرەزها ئاشکارا بوو، لە دڵها مەیلەها کوێ چوو؟
لە دڵما شەکوەها بوو، ئەی سەبا! تۆ موختەسەر بیڵێ
حوقووقی سوحبەتی دێرێن و ڕەنجی ساڵەها کوێ چوو؟
چرای سەد قەسری دڵ کوژرا، هەتا یەک زاخە بوو مەعموور
بەرابەر زاخە ئاخێ کەن، چراغی قەسرەها کوێ چوو؟
بە قەسدی کوشتنی سالمتخلص چ بێ ڕەحمانە کۆشیون
حەدیسی «يَرْحَم و تَرْحَمعربی» لە شەئنی ئاشنا کوێ چوو؟!