چون چیهرەی خەیاڵ ڕوخسارەکەی وێش
از کتاب:
دیوانی مەولەوی
اثر:
مولوی (1806-1882)
1 دقیقه
740 مشاهده
چون چیهرەی خەیاڵ ڕوخسارەکەی وێش
نە تۆی پەردەی دڵ مەعدوومیتخلصی دڵڕێش
نمانا جەمین شای سۆسەن خاڵان
کەمکەم جە گۆشەی لای سیاماڵان
زەمین منەتبار پا منیا و مەویەرد
جارجار وە ڕووی ناز باوەشێن مەکەرد
باوەشێن مەکەرد ئەو سەفحەی بێگەرد
نازکیش جە باد ئیحتیات مەکەرد
نە تۆی تاریکی تای شەدەی بێگەرد
لەتافەت چون ئاو حەیات مەوج مەوەرد
غەریب بیم چەنیم کەرەم نمانا:
وە سەوقات پەرێم خەدەنگێ شانا
ئەر سەد چون یاران گیان تەسلیم کەردم
خاس بی پەی یادگار خەدەنگێ بەردم