لە هاوڕێیەکی دوور وڵات نووسراوە
از کتاب:
باخچەی کوردستان
اثر:
قانع (1898-1965)
1 دقیقه
819 مشاهده
ئازیز هیلاکم ئازیز هیلاکم
وەک تەیری زامار، غەڵتانی خاکم
پێچ ئەدەم وەک مار، تەواو خەمناکم
بێ برا و بێ قەوم، بە تەنیا و تاکم
دەردم کارییە، بێ یارم ئەمشەو
جەرگی لەت و کوت، زامارم ئەمشەو
نەخۆش و عاجز، مەحزوونم ئەمشەو
لە فەرهاد بەدتر مەجنوونم ئەمشەو
ئەزانم وادەی ئاخر حەیاتە
قەتعی زیندەگی ڕووی سەر بیساتە
ئاخ یاران لە کوێن؟ بۆ چی بێ دەنگن؟
بۆ نایەن بۆ لام؟ ئەڵبەت پێ لەنگن!
هەی داد هەی بێ داد، کوانێ یارانم؟
کوانێ براکەی جاری جارانم؟
وەتەن! کوا نەسیم عەترامێزەکەت؟
کوا خاک و خاشاک عەنبەربێزەکەت؟
بێ قەوم و عەشرەت بەبێ برا خۆم
بێ هاودەردی دڵ، پشت و پەنا خۆم
قانعتخلص بە کردەی چەرخی چەپ گەردە
چەن هەزار وەک تۆ، هەناسە سەردە