نازەنین
از کتاب:
گوڵاڵەی مەریوان
اثر:
قانع (1898-1965)
1 دقیقه
934 مشاهده
ئەلا ئەی نازەنینی شۆخی شۆخان
غەزالە تاقەکەی سەر بەندی کوێستان
مەکانت کونجی دڵمە، زۆر نزیکی
لە بەر چی نابییە ئاوازی گریان؟
بە خەم گەر بمکوژی، ئەو وەختە شادم
کە خاکێکم ئەبم بە تۆزێ دامان
ڕەقیب بۆیە ئەزانێ من لە لاتم!
کە بولبول داییما، ها، لە گوڵستان
لە کوشتن چۆن ئەترسم ڕۆژی سەد جار؟
کە لێوی تۆیە چەشمەی ئاوی حەیوان!
دڵ و گیانم بە پێشکەش قاسیدت کرد
خراپی کرد، هەواڵی دای بە هەزاران
زەمانە ئیش و کاری هەر بە عەکسە
چ نسبەت قانعتخلص و ئیشقی جەوانان؟!