ئەترسم دڵ ببێتە پارچەیەک سەهۆڵ

تۆ خۆتم لێ مەشارەوە
ئەترسم دڵ ببێتە پارچەیەک سەهۆڵ..
بەدەم کزەی ئێوارەوەتۆ خۆتم لێ مەشارەوە
من لەگەڵای زەردی پاییز..
زۆر بێ نەوا و غەریبترم
لە کزەبا تەزیوترمتۆ خۆتم لێ مەشارەوە
بیرتە بە زەردەی ڕوانینەکانت..
هەڵمت لە بەفری دڵم هەڵسان و
منت خستە شوێن ساماڵی گیانت؟تۆ خۆتم لێ مەشارەوە
بڕوانە پەڵەهەورەکان..
گەرچی نەدیدەن.. گەرچی نەناسیاو..
دەست دەنێنە دەست
لە نیشتمانی ئاوارەییدا..
ئەبن بە ڕێژنەی گریانێکی خەستتۆ خۆتم لێ مەشارەوە
ئەترسم دڵ ببێتەپارچەیەک سەهۆڵ..
بەدەم کزەی ئێوارەوە