شێخ بۆ چی لەسەر مەستی دەگەڵ من بە عیتابە
لە کتێبی:
دیوانی کوردی
بەرهەمی:
کوردی (1809-1850)
1 خولەک
796 بینین
شێخ بۆ چی لەسەر مەستی دەگەڵ من بە عیتابە؟
مەر دڵ شکەنی و کافری کەمتر لە شەڕابە؟
عیشق ئەر غەمی هیجرانی نەبێ خۆشە، بەڵێ ڕاست
بێ دەوڵەتی خۆی چاکە بەڵان قۆرتی خەرابە
عاشق کە لە دنیا غەم و هیجرانە نەسیبی
سەد دۆزەخی بۆ تاو دە، چ باکی لە عەزابە؟
هات بۆم سەگی دەرگای و زریقایەوە دەیکوت
هەر لێی گەڕێ با بیگەزێ، ئازاری سەوابە
ئەی دڵ بە تەمای ڕەحمی لە یار؟ نابەڵەدی بۆچ؟
کەی ڕەحمی لە دڵدا بووە ئەو ڕافزی بابە؟
نامەم بە خەمۆشی کە جواب دایەوە زانیم
بۆ من نەنویسێ کە جوابنامە جەوابە
وەعزی عولەما کوردیناسناوی ئەدەبی لە ناو مەجمەعی عوششاق
بێ عەینی قسەی قەوم و گوزارشتی عەزابە