ژیان

لە کتێبی:
ئاوێنە بچکۆلەکان
بەرهەمی:
شێرکۆ بێکەس (1940-2013)
 1 خولەک  416 بینین
هەر کوتومت
وەکوو سوڵتان
شێری باخچەی «بابی عالی»
ئەویش گەڕ بوو
نەڕەی نووساو
گوێی تەپکردوو
مێژوو خواردی!
هەر کوتومت
وەک «فرایزەر»ی هیندستانشوێن
پڵنگەکەی جەنەراڵی
دوورگەی ڕێوی
ئەویش گەڕ بوو
گەرووی نووساو
گوێی تەپکردوو
مێژوو خواردی!
لە جێی سوڵتان و جەنەراڵ
لە جێی ئەو شێر و پڵنگە
ئەوەی ژیا
ئەوەی ئەژی
گوێدرێژەکەی «نالی»یە و
ئەوی تر بزنەکەی «غاندی»