بیرچوون

لەسەر مێزەکە بیرت چوون
بە هێواشی وەک دەس بەرم
بۆ دوو کۆتری سپی نوستوو
هەڵمگرتن.
لە دەرەوە چنگ لەسەر شان
با کلۆ بەفری ڕاو ئەنا
جەستەی باریکە شەقامی هەڵئەلەرزان.
هەر خۆم تەنیا
ملیوانی خەیاڵە گەرموگوڕەکەم بۆ هەڵبڕی و
کەوتمە ڕێگا
ئەی کچەکە!
بەڵام هەتاکوو ژوورەکەم
پەنجەکانت لە دەستما بوون
تا نووستیشم دەستەکانت لە ملما بوون
ئای کچەکە!
یەکە یەکە
هەر دە پەنجەیشم هەڵوەرێن
بیرم ناچێ
شەوی جووتە دەسکێشەکە!