ئادەمی تۆ؟ پێم بڵێ یا خۆ پەری؟
لە کتێبی:
دیوانی زاری
بەرهەمی:
زاری (1905-1982)
1 خولەک
311 بینین
ئادەمی تۆ؟ پێم بڵێ یا خۆ پەری؟
وا ئەوەندە جوان و زیبا پەیکەری
دڵ زەدەی تیری موحیببەت بۆ نەبێ
تۆ کە بەم جۆرە لەتیف و دڵبەری
زینەتی باغ ئەی نەمامی ئارەزوو
حەیفە وا بێ میوە و بێ سێبەری
گەردنی مینا هەڵێنە با بلوور
نرخی بشکێ لی نەپرسێ مشتەری
بۆ لەخۆ پەروانە ئاور بەرنەدا؟
ڕامەبوورە وا بە لاما سەرسەری
گوێ دە، ئەم غەوواسی شەوقە چی ئەڵێ
ئەی دوڕی دەریای ناز و دڵبەری
سێوەکانی باغت چەن قیمەتین
سەندنی مومکین ئەوێ بۆ مشتەری؟!
ئاوڕی داوە بە خەندە پی وتم
بێ بەها نابێ کە دەستی بۆ بەری
کاری زێو و زەڕ نییە ئەم مامەڵە
گیان و سەر هەر دوو ئەبێ با مشتەری
«زاریناسناوی ئەدەبی» نامەردی ئەگەر لەم مامەڵە
تا حەیاتت باقییە دەس هەڵگری