وجوودی ئێمە و شەوقی جەماڵت ئاور و کایە
لە کتێبی:
دیوانی زاری
بەرهەمی:
زاری (1905-1982)
1 خولەک
649 بینین
وجوودی ئێمە و شەوقی جەماڵت ئاور و کایە
هەتا ئەم شەوقە باقی بێ، تەن ئەم سۆزیشیە تێدایە
دەمێ شێتم، دەمێ عاقڵ، دەمێ ساغم، دەمێ ناساغ
جەنابی عیشق هەر ڕۆژێ بە نەوعێ جلوە فەرمایە
شەمی ڕوخساری هەڵکرد و خەیاڵی عالەمێکی برد
خوداوەندا چ سڕڕێکە تلووعی خۆر لە شەودایە
بە زەردەخەندەوە دوێنێ وتی ئاخرتە بۆ سووتان
وەکوو پەروانە حازر بە، سبەی وەختی تەماشایە
کە داری بێ بەر و بێ سێبەرم، نەیبوو بەری مەقسوود
دە بیسووتێنە چاوم چونکە ئەو سووتانە ئەحیایە
لە زوڵفی دڵبەرت بڕوانە وەختێ دێتە هاتوچۆ
کە ئاوێزانی هەر تارێکی پۆلێ قەلبی شەیدایە
بە شێتی نیسبەتی «زاریناسناوی ئەدەبی» ئەبێ بۆ چی بدەن یاران
کە شێتی قامەتی ئەو شۆخە، هوشیارانی دانایە