wicûdî ême û şewqî cemałit awir û kaye
Li pirtûka:
Dîwanî Zarî
Berhema:
Zarî (1905-1982)
1 Xulek
587 Dîtin
wicûdî ême û şewqî cemałit awir û kaye
heta em şewqe baqî bê, ten em sozîşye têdaye
demê şêtim, demê ’aqił, demê saẍim, demê nasaẍ
cenabî ’îşq her řojê be new’ê cilwe fermaye
şemî řuxsarî hełkird û xeyałî ’alemêkî bird
xudawenda çi siřřêke tilû’î xor le şewdaye
be zerdexendewe dwênê witî axirte bo sûtan
wekû perwane ḧazir be, sibey wextî temaşaye
ke darî bê ber û bê sêberim, neybû berî meqsûd
de bîsûtêne çawim çunke ew sûtane eḧyaye
le zułfî diłberit biřwane wextê dête hatuço
ke awêzanî her tarêkî polê qelbî şeydaye
be şêtî nîsbetî «zarîNasnava edebî» ebê bo çî biden yaran
ke şêtî qametî ew şoxe, huşyaranî danaye