سەفی ئەگریجەکانی هاتە سەر ڕوو
لە کتێبی:
دیوانی زاری
بەرهەمی:
زاری (1905-1982)
1 خولەک
481 بینین
سەفی ئەگریجەکانی هاتە سەر ڕوو
سوپاهی زەنگباری سەر فەرەنگ چوو
بپارێزە خودا ئەم تەیری دڵمە
لە دانەی خاڵ و حەڵقەی داوی گێسوو
سوپای برژانگی وێساون بە قەسدی
ئەوە بەر تیرەبارانم بدەن زوو
مەگەر بەرقی جەماڵی کەوتە دنیا
کەوا ئاور لە شاری سینە بەر بوو
پەری شێوە بە عیشوەی چاوی کاڵی
ئەبا هۆشم بە غارەت، دڵ بە جادوو
چ شەییادێکی چالاکە لە حوسنا
دووسەد عەنقا ئەکا پابەس بەیەک موو
بە «زاریناسناوی ئەدەبی» گەر نەکا ئەو شۆخە ڕەحمێ
گرفتاری هەزار ئافەت دەبێ زوو