باخۆس
(باخۆس خوای بادەی دڵخۆشییە)
لە کتێبی:
بەرهەمی خاوێن
بەرهەمی:
عەلی عارف ئاغا (1910-1996)
1 خولەک
1154 بینین
«باخۆس» ئەی خوای بادەی دڵخۆشی
وام لە گێژاوی غەم و خامۆشی
سا دەستم بگرە زوو دەرم بێنە
ڕزگارم بکە لە دەست بێهۆشی
بمبە بۆ باخ و گوڵزاری شادی
بمخە زەمزەمەی یارانی خۆشی
با ئاسوودە بێ گیان و ژیانم
کاتم بەسەر بەم بە بادەنۆشی
ژین بە خشایشی یەزدانە وەلێ
نابێ تێ پەڕێ هەروا بە بۆشی
ئەی دڵ تکایە کاتێ بسرەوە
لە دنیای شادی گەرەک بجۆشی