گیانی ئەم قەومە
لە کتێبی:
بەرهەمی خاوێن
بەرهەمی:
عەلی عارف ئاغا (1910-1996)
1 خولەک
859 بینین
دەمێکە گیانی ئەم قەومە پڕووکاوە لە ئازارا
بەڵام شێرانە ڕوو نادا بە ئازار و بەبێ زارا
بەچالاکی بەدڵپاکی خەباتی کردووە هەردەم
لەدەشت و شاخ و ڕووبارا لە دێهاتا لەناو شارا
بەرامبەر ئاگر و لافاوی زەحمەت نەیبووە باکی
بەمەردانەش کە وەستاوە لە ڕووی ناپاک و بەدکارا
ئەوەی هاشە و فشەی زۆرە لە دیواخان و چاخانە
ئومێدی پێ مەکە بڕوا بەناو بەرد و بەناو دارا
بە کوردی تێ مەگە هەرکەس لەڕێی ئەم خاکە پیرۆزە
وەکوو کاوەکەس فیداکاریی نەبێ هەردەم لە کردارا