چییە گوارە گوناهی وا بە نەستەق
لە کتێبی:
دیوانی نالی
بەرهەمی:
نالی (1800-1877)
1 خولەک
3897 بینین
چییە گوارە گوناهی، وا بە نەستەق
بە گوێ هەڵتاوەسیوە، سەر موعەللەق؟!
دەخیلت بم نەخیلی یا ڕوتابی
وەها شیرین و، سینە نەرم و، دڵ ڕەق!
سەراپای گرتووی زوڵف، بۆیە بوویی
موقەییەد، هەم موخەلخەل، هەم موتەووەق!
لە پێت ئاڵاوە حەڵقەی ماری گێسووت
عەجایەب حەیی بێ جان قەیدی موتڵەق!
کە لێڵ و سوور و کول بوو چاوی تیژت
ئەوەندە پێی دەڕێژی خوێنی ناحەق
شوکر نالیناسناوی ئەدەبی سەری خەسمت وەکوو گۆ
بە خواریی، نەک بە یاری، کەوتە بەر شەق