لەکن ئەو جەوهەرە فەردە لە هەیوولا نییە باس
لە کتێبی:
دیوانی نالی
بەرهەمی:
نالی (1800-1877)
1 خولەک
1816 بینین
لەکن ئەو جەوهەرە فەردە لە هەیوولا نییە باس
لە حیکەم پەروەرییی بووعەلی سینا نییە باس
سۆفییان هاتنە مەجلیس وەرەقی دیدە بشۆن
لەکن ئەو دێمییە وشکانە لە دەریا نییە باس
بەزمی ڕەندانە ئەمە، مەلعەبەیی وەعز نییە
لە بەد و نیکی و قەللابیی دونیا نییە باس
ئەمە جێی ڕەمز و ئیشاراتی دەروونە، لە گەرووی
تەنگی پڕ غەرغەرەیی واعیزی غەڕڕا نییە باس
بە سەراوێزەیی چاوێنەیی کەللەی سەریان
لە «کەی» و «قەیسەر» و «ئەسکەندەر» و «دارا» نییە باس
جێی زوبان گرتن و دڵ ڕۆشنی و سووتانە
موقتەدا شەمعە کە خامۆش نییە ئەمما نییە باس
حەزرەتی هەیبەتە، نەک غەیبەت و ڕەیبەت نالیناسناوی ئەدەبی
ئەڵڵا ئەڵڵا، چ حوزوورێکە کە ئەسلەن نییە باس!