هەستە ڕاوەستە
لە کتێبی:
ئاشنایی و ڕۆشنایی
بەرهەمی:
عەلی عارف ئاغا (1910-1996)
1 خولەک
1053 بینین
هەستە ڕاوەستە با تەماشات کەم
سەیری ڕوومەت و بەژن و باڵات کەم
ئەوسا دانیشە لەسەر ڕانەکەم
تێروپڕ ماچی دەم و گۆنات کەم
دڵم پێداوی خۆت ئاگاداری
دەبا ڕۆحیشم بە تۆ خەڵات کەم
هەرچی کە هەمە لە ماڵ و سامان
لەگەڵ ژیانما گشتی فیدات کەم
هەر تۆ سەرمایەی بەختیاریمی
ئیتر بۆچ لە دەس بەختم شکات کەم
خوا بە تۆی بەخشی تاجی جوانی
بۆ عەرشی جوانی بۆ چ بە تەمات کەم
هاتی بەخێر بێیت، خۆ گەر نەشهاتی
نابێ من باسی هات و نەهات کەم