ڕەنجی دڵداری
لە کتێبی:
چەپکێ گوڵ و خونچە
بەرهەمی:
عەلی عارف ئاغا (1910-1996)
1 خولەک
303 بینین
خۆم بە قوربانی کەسێک ناکەم کەوا
ڕەنجی دڵداریم بداتە دەم هەوا
یا بە چاوی سووکەوە سەیرم بکا
وەک هەژارێکی کەساس و بێ نەوا
خوا ئەزانێ خۆی ئەزانێ وا کە من
چیم دی چیم نۆشی لە پێناوی ئەوا
ئەو کەچی ناپرسێ چۆنی چۆن ئەژی
تا سڵاوێکیش بە من ناکا ڕەوا
نەرمی لەو دڵبەردە چۆن ئەکرێ ئومێد
ڕۆژ چلۆن هەڵدێ لە تاریکی شەوا