بە چاوی مەست و بیماری نەخۆشم
لە کتێبی:
دیوانی سابیری
بەرهەمی:
سابیری (1881-1944)
1 خولەک
804 بینین
بە چاوی مەست و بیماری نەخۆشم
نەماوە ئیختیار و عەقڵ و هۆشم
بەزاهیر گەرچی مسکین و فەقیرم
لە باتیندا دوڕ و گەوهەر فرۆشم
دووڕ و مەرجان چییە؟ یەعنی دڵ و جان
بە چاوی تۆ لە چاو ئەڕژێتە کۆشم
ئەگەر تۆ موشتەری مەرجان و دوڕ بی
بە گیانی تۆ وەرە هەرزان فرۆشم
ئەگەرچی عاجز و بێ دەستەڵاتم
بە جان و دڵ بەقوربان تێدەکۆشم
هەتاکوو تۆ نەیەی تەسکینی نایێ
بە ڕۆژ و شەو دەمێکە غەم دەنۆشم
گەلێ ناڵاندم و سوودی نەبەخشی
لەمەولا سابیرناسناوی ئەدەبی و مات و خەمۆشم