بیحەمدیللا بیابانی دڵ ئەمساڵ
لە کتێبی:
دیوانی سابیری
بەرهەمی:
سابیری (1881-1944)
2 خولەک
1119 بینین
بیحەمدیللا بیابانی دڵ ئەمساڵ
پەڵەی لێداوە بێ مانەند و ئەمسال
بە پاچی تاعەت و جووتی ڕیازەت
موبەڕڕا بوو، موهەڕڕا بوو لە ئەو باڵ
کە خاڵی بوو لە بەرد و خاری ئەغیار
مەقامی یارە پڕ ئاڵتوون و کۆتاڵ
وەکوو باغی ئیرەم خۆش و دڵئەفزا
نەمامی عەرعەر و هەم سەرو و شمشاڵ
بەدائیم پڕ فریشتە و بێ شەیاتین
لە کن تەعریف و ئەوسافی زوبان لاڵ
هەمیشە بولبولی ڕۆحم ئەخوێنێ
لە نێو گوڵزاری دڵدا فارغ البالعەرەبی
دەمی ڕۆحم لە شیرین بوو لەمەولا
مەسەلمێنە لە دڵ بگرم قسەی تاڵ
کە من مەستی شەرابی عەشقی یارم
بە سەربەستی دەکەم ئیزهاری ئەحواڵ
دڵ و دینی ڕفاندم شۆخ و شەنگێ
بە غەمزەی چاوی بیمار و لەبی ئاڵ
ئیتر زاری دەکا تاجر بە ناچار
ئەگەرچی جەردە ناکا ڕەددی کۆتاڵ
لە لاشەی پیسی دونیا لادە سابیرناسناوی ئەدەبی
دەنووک نادەن لە چاوت سەرگڕ و داڵ
عەجەب شیوەن ئەکەی بۆ بەرگ و نانت
چ بێ باکی لە ڕۆژی مەرگ و ئەوباڵ
عەمامەی پاک و پڕ پێچت دەلیلە
دڵت بێ غەش نییە ئەی شێخی بەرماڵ
بە ڕیش و پرچ و تەسبیحت تەواوی
نەمازت ناتەواوە ئەی کوڕی خاڵ
ئەگەر مەردی لیباسی زوهدە بەرگت
لە بۆ ژن چاکە سورمە و خامەکی ئاڵ
وەکوو زەڕ خالیس و بێ غەش بە قوربان
وەگەرنە ئەتخەنە بۆتە ئەبی قاڵ
لە بۆتەی ئاگری دۆزەخ بترسە
بە ملیۆن پیاوی تێدا بۆتە زووخاڵ
ئەگەر تۆ تالیبی دونیای لەگەڵ سەگ
گەلێ جا تۆش ئەبی شەڕڕ و دەمەقاڵ
لیباسی زوهد و تەقوا بێنە مەیدان
مەهاڵێنە لە خۆت بەرگی شڕوشاڵ
قسەی پیاوانە نازانم بڵێم چی؟
دەسم پێ کردووە وەک شێت و منداڵ
لە بۆتەی یار سابیرناسناوی ئەدەبی زۆر بترسە
گەلێ خەڵکی لە ناودا بۆتە زوخاڵ