وەرە جانا بەڵاگەردانی ڕوویی دڵفەریبت بم
لە کتێبی:
دیوانی سابیری
بەرهەمی:
سابیری (1881-1944)
2 خولەک
861 بینین
وەرە جانا بەڵاگەردانی ڕوویی دڵفەریبت بم
هەتاکەی دڵ نەخۆش و چاوەڕێی چاوی تەبیبت بم؟
هەتاکەی ئینتیزاری چاوی عەییار و تەبیبت بم؟
ئەوا کردم منیش بێگانە با ساتێ قەریبت بم
ئەوا چاوم بە شاڕێوە، ئەوا ڕووحم لەسەر لێوە
هەتاکەی عاجز و بیماری چاوانی غەریبت بم؟
ڕەقیبم دی لە بەر پێتا، وتم خۆزگە بەخۆی جانا
کە تۆ گوڵ بی بەقوربانی هەموو خار و ڕەقیبت بم
بە سەیران و تەفەرروج چوویە نێو گوڵزارەوە جانا
بە سەرگەردی گوڵ و گوڵزاری نەغمەی عەندەلیبت بم
ئیشارەت کردمێ عودالصليبعەرەبی پەیداکە ترساوی
فیدای غەمزەی ئیشارە و پەنجەی عودالصليبعەرەبی بم
وتم کەی دێ و فەرمووت: يا نصيب العلم عنداللهعەرەبی
هەتاکەی دڵ بە داغ و ئینتیزاری یانەسیبت بم؟
وەرە أنت و حليبكعەرەبی خۆ سەرم دانا لە ڕێگەی تۆ
تەبیبا تا بە کەی هەر چاوەڕێی مشتی زەبیبت بم؟
دەمێکە تەن نەخۆش و چاوەڕێتم بێ عیلاجم کە
بەڵاگەردانی نوسخە و شەربەتی چاوی تەبیبت بم
بە شەو وا شەمعی ئەغیاری، بە ڕۆژ بنوێنە ڕووی یاری
بە زەڕڕەی پەڕتەوی خورشیدی حوسنی دڵفەریبت بم
وتم کەی دێی و فەرمووت یا نەسیب خۆ هەر بە ئوممێدم
فیدای هات و نەهاتی سوبح و شام و یانەسیبت بم
وتی سابیرناسناوی ئەدەبی لە بەزمی عوشرەتا سینە بە موجمەر کە
وتم فەرموو بەقوربانی بخوور و عود و تیبت بم