لە دەشتی سینە هەڵگیرسا بڵێسەی ئاگری جاران

لە کتێبی:
دیوانی سابیری
بەرهەمی:
سابیری (1881-1944)
 1 خولەک  378 بینین
لە دەشتی سینە هەڵگیرسا بڵێسەی ئاگری جاران
عیلاجێ ئاوی تەدبیرێ لەڕێی پێغەمبەرا یاران
ئەگەر تەعویزی دەرمانە ئەگەر تەدبیری لوقمانە
پەیا کەن گورج و ئازانە لە دەشت و شار و عەتتاران
لە تاوی ئاگری دووری بە غایەت دڵ پەرێشانم
خودایە زوو بنێری تۆ حەکیمی دەردی بێ دەرمان
شەرارەی ئاگری کوورەی دەروون نەکوژایەوە ئەسڵا
کە فرمێسکم بە دەشتی سینەدا ئەڕژێ وەکوو باران
دوعا یا تیببی جالینووس، موفیدی شەرعی یا کابووس
لە دەردی عاشقان مەعکووس دەبێ دەرمانی عەتتاران
لە تاوی ئاگری دووری سەبووری دڵ نەما ڕەببی
سەبەبسازی بکەی هەر تۆی حەکیمی دەردی بیماران
عەجایب ئاگری سینە بە فرمێسکم نەبوو ساکین
کە سابیرناسناوی ئەدەبی سەیلی ئەشکی وا ئەبارێنێ وەکوو باران