پەرێشانم بە تیری چاوی خوێنڕێژ
لە کتێبی:
دیوانی سابیری
بەرهەمی:
سابیری (1881-1944)
1 خولەک
890 بینین
پەرێشانم بە تیری چاوی خوێنڕێژ
وەکوو حۆلی بیابانم وڕ و گێژ
عیلاجم ناکرێ دەردم گرانە
بە قورئان و حەکیمان و بە ڕاوێژ
ئەزانی باعیسی شەوتاو و لەرزم
بە تاتای زولف و چاوانی گەلاوێژ
هەتا ئومێدی مانم بوو نەهاتی
کە مردم بێرە سەر قەبران و بمنێژ
بە بەرزی قامەتی کووتاهە دەستم
بە ڕاستی سەروی قەددی تالیعم لێژ
نەمامی قەددی تۆ با سەوز و تەڕ بێ
لە کانی چاوی من پاراوە بینێژ
بپرسە سابیریناسناوی ئەدەبی چۆنە لە دووریت
پەرێشانە میسالی بەرخی لامێژ