چاوەکەم سەیری کە با خورشیدی حوسنت یەک نەفەس
لە کتێبی:
دیوانی سابیری
بەرهەمی:
سابیری (1881-1944)
1 خولەک
684 بینین
چاوەکەم سەیری کە با خورشیدی حوسنت یەک نەفەس
دەرکەوێ بۆ عاشقی ڕووت و فەقیری بێ هەوەس
بۆ گوڵی گوڵزاری حوسنت بولبولی دڵ دائیمەن
موزتەریب حاڵ و نەخۆشە وەختە بشکێنێ قەفەس
بۆ بریندارانی چاوت مەرهەمی لوتفت نییە
گەرچی وەستاون لە دەورت موشتەکا و مولتەمەس
بۆ تەماشاکردنت جانا کە ڕۆحم هاتە لێو
ئەی سەنەم ڕۆژێ بفەرموو ئەم شەوی هیجرانە بەس
تەرکی عەشقت ناکرێ تەفرەم مەدە بێهوودەیە
تا لە دونیادا شەکەر بێ دەوری ئەو دەگرێ مەگەس
چاوەکەت غەزبانە فەرموو ڕۆحەکەم با پێت بڵێم
واز لە هەنگوین نایەنێ بێ حاسڵە پاسی مەگەس
سابیریناسناوی ئەدەبی دەرمانی چاوت تۆزی ڕێگەی دولبەرە
جانفیداکارانە ڕۆژێ دامەنی بگرە بە دەس