ئەی قەمەر لەیل و بە ڕۆژ ئافتاب
لە کتێبی:
دیوانی سابیری
بەرهەمی:
سابیری (1881-1944)
1 خولەک
349 بینین
ئەی قەمەری لەیل و بە ڕۆژ ئافتاب
عاشقی ڕووت بوونە کەتان و کەباب
عەکسی گوڵی ڕوومەتی تۆی دی بەشەر
بۆیە سروشکی بووە عەینی گوڵاب
چا نیە بێ سووچ و خەتا ئەمکوژی
ڕۆژی قیامەت هەیە ئەکرێ حیساب
ڕەحمی خودا بێنە دڵ و بەسیەتی
نیمە تەوانایی عیتاب و عەزاب
بەختی منە وعدی تۆ ناکا وەفا
عەهدی تووە نەبوو دوعا موستەجاب
بەم دڵی بیمارەوە دەستە و دوعام
یەک لە هەزارانی نەبوو موستەجاب
هاتە سەرینم وتی: چی مەیل ئەکەی؟
هاتە دەمی سابیریناسناوی ئەدەبی جووتێ عەناب