دڵ فریبی دڵبەری دڵدار هەی
لە کتێبی:
دیوانی مەحوی
بەرهەمی:
مەحوی (1836-1906)
1 خولەک
2755 بینین
دڵ فریبی دڵبەری دڵدار، هەی!
فیتنەگەر، هەی! ڕەند هەی عەییار هەی!
بوویە یاری غەیر و من بێگانە مام
بێوەفا، هەی! هەی جەفاکردار، هەی!
خۆ موسوڵمانم، بە ناحەق خوێنی من
بۆ دەڕێژی، کافری خوونخوار، هەی!
چا نیە، ڕەفتاری وا بەد بەس بکە
دەرحەقی من، شۆخی بەدرەفتار، هەی!
تۆ دڵت دێوانە کردم، ئێستەکەش
نانوێنی ڕوو، پەری ڕوخسار هەی!
قەت لە تیری ئاهی مەزڵوومانی عیشق
تۆ نەترسی، زاڵمی غەددار هەی!
غەیری بەد نەیدی لە تۆ مەحویناسناوی ئەدەبی ئەتۆش
هەر بەدت ڕێ بێ، بەدی بەدکار هەی!