هاوارێک بۆ هەستان
لە کتێبی:
وەنەوشە
بەرهەمی:
محەمەدسەدیق مەحموودی (1937-1990)
1 خولەک
594 بینین
بیروڕای وشک سەر ڕێی سەرکەوت
گڵمەتە و کۆمەڵ چەند جار لێی هەڵکەوت
خاوەنی فکری وشکی هیچ و پووچ
زۆر خەتاکارە و پڕ تاوان و سووچ
نەک تەنیا بۆ خۆی، بۆ گەل دوژمنە
مێژوو ئاوێنەی ئەم وتەی منە
زمانی زەمان یەک دەنگ و یەک سۆز
لەگەڵ زمانی قوڕئانی پیرۆز
هەرهاوار دەکا بنیادەم هەستە
دەستی فکری وشک لە تەختە بەستە