ڤەژینبوکس > کەمالی > دیوانی کەمالی > ە > یار بە لەنجەی شێوەیی ئاهووی خەتا و چینی هەیە

یار بە لەنجەی شێوەیی ئاهووی خەتا و چینی هەیە

لە کتێبی:
دیوانی کەمالی
بەرهەمی:
کەمالی (1886-1974)
 1 خولەک  428 بینین
زمان:
کوردیی ناوەندی
قاڵب:
غەزەل
کێش:
فاعلاتن فاعلاتن فاعلاتن فاعلن–∪––/–∪––/–∪––/–∪–
رمل مثمن محذوف
ڕاپۆرتی هەڵە
فۆنت:
یار بە لەنجەی شێوەیی ئاهووی خەتا و چینی هەیە
بۆیە زوڵفی بۆنی میسکی چین و ماچینی هەیە
لائەدا جارجار لەسەر ڕوخساری خۆی زونناری زوڵف
تا بڵێن ئەو کافرەی بێ مروەتە دینی هەیە
ڕووت ئەکەن تەشبیهـ بە ڕۆژ شێت و نەفامن ئافتاب
کەی وەکوو تۆ سرکەیی و سەرپۆش و پۆشینی هەیە
عەرزی حاڵم کرد وتم ڕەحمەت ببێ بۆچ ئەمکوژی؟
پێی وتم تۆ شێتی یار کەی ڕەحم و ئایینی هەیە؟
خۆزگە ئەمزانی کە ئەو شۆخی جەفا کردارە بۆچ
وا لەگەڵ من دائیمە جەور و جەفا و قینی هەیە؟
ئەهلی عیرفان بێ شک و شوبهە بە گیان سەودای ئەکەن
تێبگەن گەر وا کەمالیناسناوی ئەدەبی شیعری شیرینی هەیە