بە پابۆسی لە قەدتا توڕڕە تا کەی چین بە چین دەڕژێ
لە کتێبی:
دیوانی سالم
بەرهەمی:
سالم (1800-1866)
1 خولەک
477 بینین
بە پابۆسی لە قەدتا توڕڕە تا کەی چین بە چین دەڕژێ
وەکوو بارانی ڕەحمەت هەر لەسەردا بۆ زەمین دەڕژێ
دەمی هیجرت شەوێ گەر بێتە یادم لەززەتی بۆسەت
لە لێوی وشکی بێ ئاوم سەحەرگەهـ ئەنگەبین دەڕژێ
بە چاکیی چاکی زەخمی دڵ، لە وەسڵا سەهوە ئوممێدم
نەمەک تا وا بەسەر ئەودا لە لێوی شەککەرین دەڕژێ
دەڕێژێ دیدەکەت خوێنی دڵی پڕ میحنەتم ئارێ
پیاڵەی پڕ لە دەستی تورکی مەستا بێ یەقین دەڕژێ
بە میسلی ئەشکی مەجنوون خوێنی موشتاقانی بێ سامان
لە شەمشێری برۆی بێدادی لەیلی مەهجەبین دەڕژێ
لەیەک مسرەع ئەگەر سالمناسناوی ئەدەبی بنووسێ شەرحی هیجرانت
بەسەر مەعنای کەلاما تا حەشر دوڕڕی سەمین دەڕژێ