بە ئەبەد جێگەیی من مەنزڵی جانانە نییە
لە کتێبی:
دیوانی سالم
بەرهەمی:
سالم (1800-1866)
1 خولەک
619 بینین
بە ئەبەد جێگەیی من مەنزڵی جانانە نییە
ئاینەخانەیی شەهـ، مەسکەنی دێوانە نییە
ساقییا ساغەری من خومرەیە نەک ڕەتڵی سەبوک
دەرخوری مەستییی من شیشە و پەیمانە نییە
سەفەری هات و نەهاتە هەوەسی کۆیی حەبیب
گەردی ئەو شەمعە دڵا! تاقەتی پەروانە نییە
ئاشنای دوشمن و بێگانەیی خوێشن یاران
ئاشنای ئێمە شوکور مەیلی بە بێگانە نییە
دەستی قودرەتشکەنی خستە خەمی زوڵفی کەچت
هونەری ماشیتە و تەربییەتی شانە نییە
کوا کەریمێ بە کەرەم سوویی گەدا کا نیگەهێ؟
حەسرەتا لەم تەبەقە هیممەتی مەردانە نییە!
بە حەیا بێرە حوزوور و بە ئەدەب سوجدە بەرە
خەڵوەتی دڵبەرە سالمناسناوی ئەدەبی ئەمە مەیخانە نییە