تورکی چاوی دڵبەرم وەختی نیگەهـ تیرئەفگەنە
لە کتێبی:
دیوانی سالم
بەرهەمی:
سالم (1800-1866)
1 خولەک
635 بینین
تورکی چاوی دڵبەرم وەختی نیگەهـ تیرئەفگەنە
عاشق ئەر فەرزەن فەرامەرزناوی تایبەت بێ لە زوڵما بەهمەنناوی تایبەتە
ڕووبەڕووی دڵ دڵبەرم کێشاویە شەمشێری برۆ
حەلقەحەلقەی سیلسیلەی زوڵفی بەمیسلی جەوشەنە
وەک نیزامی پڕ نیزامم بۆ نیزامی نەزمی شەوق
دڵ لە زیکری گەنجی فیکرا وەختی وەسفت مەخزەنە
جێی موقیمی بۆ نییە یەکدەم لە سەفحەی ڕۆزگار
عاشقی بێکەس وەکوو ماری سیەهـ بێ مەسکەنە
ڕۆحی عاشق کەی نەجاتی دێ لەبەر تیری نەزەر
گەر لە ئەسبابی مەتانەتدا وەکوو ڕووبینتەنە
زێوەری ئەو دۆشە بێ یاڕەب بە تەوقی گەردنم
گەردەنت چێ یا ئیلاهی مەحکەمیی ئەو دامەنە
خەرمەنی حوسنە عوزاری دڵبەرم ئەمما درێغ
لوتف و ڕەحمی دانەدانە جەور و زوڵمی مەن مەنە