خودا چ بکەم لەدەس بەختی جەفاکێش
لە کتێبی:
دیوانی سالم
بەرهەمی:
سالم (1800-1866)
1 خولەک
964 بینین
خودا چ بکەم لەدەس بەختی جەفاکێش
نەمەکڕێزە لەسەر داغی دڵی ڕێش
لە غەمزەت موددەتێ بوو خۆم دەپاراست
ئەجەل هێنامیە بەر تیرت جڵەوکێش
تەعەششوق بۆ کەماڵی عاشقی زار
بەمیسلی حەملەیی گورگە ئەسەر مێش
لە تای میزانی عیشقا سەر چ سووکە
لە کیشی دڵبەرا بێ وەزنە بۆ کێش
فیراق حەڵوایی وەسڵی کرد بە سەفرا
فەرامۆشم بووە نۆشت لەتاو نێش
لە ڕووگەرمیی و دڵسەردیت مەلوول نیم
دەکەم شوکرت بە ئینعامی کەم و بێش
تەماشا کەم لە وەزعی بەزمی دڵبەر
ڕەقیب بێ غائیلە و سالمناسناوی ئەدەبی بەئەندێش