یادی زوڵف و ئەبروو و موژگانی یار
لە کتێبی:
دیوانی سالم
بەرهەمی:
سالم (1800-1866)
1 خولەک
627 بینین
یادی زوڵف و ئەبروو و موژگانی یار
زەخمی تیرە، زەربی تیغە و زەهری مار
طرفة العَينعەرەبیێ جودا نابم لە دۆست
گەر بە دەستم بێ زەمامی ئیختیار
وا لە قەیدی زوڵفتا ئاشوفتە بووم
شوبهەیە کارم بە وەزعی ڕۆژگار
ئیبتدا دایەی ئەزەل تەنخواهی شیر
دای بە تیفلی تالیعی من کووکنار
دەست ئەدا بۆم ڕوو لە ڕووماڵینی دۆست
گەر موقارین بێ خەزان و نەوبەهار
کەی بە سالم دەردەچێ سالمناسناوی ئەدەبی کە بوو
سەیدی سەحرایی شکاری شەهسوار