بۆ «پەروین»

لە کتێبی:
دیوانی پیرەمێرد
بەرهەمی:
پیرەمێرد (1867-1950)
 1 خولەک  996 بینین
خوشکەگیان پەروین! ئەستێرەی ئاسمانی
کە چاو هەڵدێنی و هەڵدێی ئەوەندەی ڤینۆس جوانی
لە پەلکی «ئایشێ و فاتمە» دیلانیت بۆ هەڵ ئەخەم
بە پەیژەیی عیسادا لە ئاسمانت سەر ئەخەم
فریشتەکان دێنە لات کە وەختێ خۆت نیشان دا
ڕایانکێشەرە خوارێ بە ڕێگەی کاکێشاندا
دەبا لە ناو کورداندا «بەلکیسکەس» ێکیش پەیدا بێ
بەشکوو تەختی سلێمان بە هۆی تۆوە ئاوا بێ