ئەوا ڕووم کردە تۆ، ئەی دایکی موشفق بیست و پینج ساڵە
لە کتێبی:
دیوانی پیرەمێرد
بەرهەمی:
پیرەمێرد (1867-1950)
2 خولەک
1203 بینین
ئەوا ڕووم کردە تۆ، ئەی دایکی موشفق بیست و پینج ساڵە
لە غوربەتدا، بە یادی تۆ ئەژیم خوا شاهیدی حاڵە
بەیانی دا، نەسیم لای تۆوە هات، بۆنی وەتەن پێوە
ئەوا نووسرایەوە پیرانەسەر عومرم لە سەر نویۆە
ئەڵێن نەفحەی ژیانی پێوەیە، بادی بەهار وایە
بە سروەی بای وەتەن ماوم بەهار و بای لەلام «با» یە
«ترینشەمەندەفەر» جووڵایەوە، وا کەوتە ڕێ، باوەڕ بە خۆم ناکەم
خەوە یاخود خەیاڵ، یا ڕاستە ئەم حاڵی فەرەحناکەم
هەوای تەختی سلێمانی هەیە، بادی ترین، با بێ
«بڵا» با بێ، لە «شهباشاری حەلەبەشوێن»بێ، لە «فیحاشاری شامەشوێن» بێ، لە «زوراشاری بەغدادەشوێن» بێ
بە چاوما بێ ئەگەر تۆزێک لە تۆزی بای «سلێمانی»
کە نووری توورە توورێک ناهێنێ سوورمەی «سلێمانی»
کە با بۆنی گوڵێکی «کانی با» بێنێ لەلام وایە
تەڵای کەیخوسرەوی وەک گەنجی باداوەر هەمووی بایە
گزنگی خۆر ئەداتە بەفرەکەی شاخی «عمر گدرونشوێن»
بریقەی خۆشترە لای من لە دوڕڕ و گەوهەری قارون
بە ئاواتی ئەخوازن خەڵک تەعامی مائدەی عیسا
هەمووی حەڵوا گەزۆیەک ناهێنێ دەستم کەوێ ئیسا
شەماڵ دێنێتەگوێم دەنگی مناڵانی قوتابخانە
نەشیدی میللیان لاهووتیە قووتی دڵ و گیانە
هیوام پێیانە ئەم دەستەکوڕانە مەشخەڵێ هەڵکەن
لە تاریکی نەزانیندا بە زانستی وەتەن دەرکەن