ڤەژینبوکس > ئەمین ئوشنوویی > دیوانی ئەمین ئوشنوویی > شیوەنی پیری شەمزینی

شیوەنی پیری شەمزینی

لە کتێبی:
دیوانی ئەمین ئوشنوویی
بەرهەمی:
ئەمین ئوشنوویی (1889-1954)
 1 خولەک  611 بینین
زمان:
کوردیی ناوەندی
قاڵب:
غەزەل
کێش:
مستفعلن مستفعلن مستفعلن مستفعلن––∪–/––∪–/––∪–/––∪–
رجز مثمن سالم
ڕاپۆرتی هەڵە
ڕەوشی پێداچوونەوە:
چاوەڕێی پێداچوونەوە
فۆنت:
لە ڕوویی هەر وەک ئافتاب، ئەی شاهی شەمزین ئەلویداع
ون بوو دە ژێر باری توڕاب، ئەی شاهی شەمزین ئەلویداع
لەو قامەتی سەروی ڕەوان، لەو تاقی دوو ئەبرۆی کەمان
با سەد هەزار ئاهـ و فیغان ئەی شاهی شەمزین ئەلویداع
بێ گەورە ماون خانەقا، ماون موریدان ڕوو سیا
بێ مورشید و بێ ڕاهنەما ئەی شاهی شەمزین ئەلویداع
ڕۆژا تۆ چوویە غوربەتێ، بووم نائومێدی ڕۆئیەتێ
دەمکوت بە داخ و حەسرەتێ ئەی شاهی شەمزین ئەلویداع
ئەی سەید محەممەد نەوجەوان، ئەی نووری شەمعی خانەدان
پاشی تۆ چ بکەم دەر جیهان ئەی شاهی شەمزین ئەلویداع
یا ڕەببەنا ڕۆژی حەسیب، لە زیارەتی هەر دوو حەبیب
نەیکەی ئەمینناسناوی ئەدەبیێ بێ نەسیب ئەی شاهی شەمزین ئەلویداع