شینگێڕی پیری شەمزینی
لە کتێبی:
دیوانی ئەمین ئوشنوویی
بەرهەمی:
ئەمین ئوشنوویی (1889-1954)
1 خولەک
1439 بینین
ئەی شەهدی شەوقی ڕووی تۆ پەیمانەیی نشاتم
عەتری نەسیمی کووی تۆ سەرمایەیی حەیاتم
تا کەی میسالی بولبول ناڵە بکەم لە بۆ گوڵ
بێ تاقەت و تەحەممول بێ سەیر و بێ سوباتم
لە هیجری ڕوویی یاران وەکوو هەوری بەهاران
دەڕژێ لە چاوم باران هەموو وەخت و سەعاتم
شەهیدی غوربەتم ڕۆ پەروانەی جەننەتم ڕۆ
شیرنایی شەربەتم ڕۆ، غەریبی دوور وڵاتم
لە ڕۆژی مەحشەرێدا لە حەوزی کەوسەرێدا
وەختی خێر و شەڕێدا ببی مایەی نەجاتم
«ئەمینناسناوی ئەدەبی» لە ئەم شنۆشوێنیە مەشغووڵی دەردی خۆیە
قوربان فیراقی تۆیە داییم بوویتە خەڵاتم