شیوەنی پیری شەمزینی
لە کتێبی:
دیوانی ئەمین ئوشنوویی
بەرهەمی:
ئەمین ئوشنوویی (1889-1954)
1 خولەک
995 بینین
لە کوردان شین و گریانە کە پشتیوانی وان ڕۆیی
لە نەهری داد و ئەفغانە چراغی خانەدان ڕۆیی
لەبەر چاوی موریدانی وەها تاریک بووە دونیا
کە ڕووناکی لە خورشید و لە ماهی ئاسمان ڕۆیی
لە بۆیە بولبولی شەیدا بە سەد حەسرەت دەناڵێنی
کە پاییز هاتە سەر ئەرزی، بەهاری ئەرغەوان ڕۆیی
لە نێو کۆڕی موریدانی بووە تازی و غەم و ماتەم
کە شادیی و نشاتی دڵ لە رووی موڵکی جیهان ڕۆیی
یەگانە یادگاری سەید تەهایی پیری شەمزینی
لە دونیا کۆچی کرد یاران لە بۆ باغی جەنان ڕۆیی
لە خاکی غوربەتێ وەک بابی حاجی شێخ عوبەیدووڵڵا
غەریب و بێکەس و زار و شەهید و بێ نیشان ڕۆیی
«ئەمینناسناوی ئەدەبی» بۆ ساڵی تاریخی وەفاتی شێخ بڵێ داییم
فەلەک بۆچ وا شەهی نەهری لە نەهری بۆ نیهان ڕۆیی