نامەی ئاوات بۆ سەیید (٤)
لە کتێبی:
شاری دڵ
بەرهەمی:
سەید کامیل ئیمامی (1903-1989)
1 خولەک
677 بینین
من هاتم و تۆ ڕۆیی، تۆ ڕۆیی و من هاتم
زانیوتە بە قەولی وان تۆ لۆتیی و من لاتم
گاهێ کز و گەهـ ماتین، گەهـ لۆتیی و گەهـ لاتین
ڕووکەینە دەر و دەشتان، تۆ هار و ئەمن ماتم
تۆ ڕاوچیی و من هەوچی، با پێکەوە حازر بین
گوێ مەگرە قسەی خەڵکی، وەک من بە؛ کە ڕاهاتم
سەرلەوحەیی گۆڤارە باسی منی بێچارە
یا شوهرەیی ئافاقم، یا توعمەیی ئافاتم
کەوتوومە سەری ئەوسەر، هەرکەس چ دەڵێ بیڵێ
دەرحەق بە قسەی خەڵکی بێ قەید و موبالاتم
با هەر بە خەیاڵ یارۆ، ئێمە بە فەقیر دانێ
تۆ خوسرەوی خووبانی، شاهەنشەهی شاماتم
شایی دەوێ ئەو، سەیرە؛ دەس بگرە، مەڵێ لەنگم
هەڵپەڕکەیەکی بگرین، تۆ دەس گرە، من پاتم
گەر چا بێ کەلامی من، سینەش کە سەماوەر بێ
شیرینە وەکوو قەندە، هەڵبەست و مەقالاتم
قوربانی وەفاتم من، «قادرکەسسەید قادر سەیادەت» قەدەمت بێنە
سەر چاوی حەزینی من، حازر لە گوزەرگاتم