بۆ یاری خۆی
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
319 بینین
لەبەر نێزەی موژانە دڵ لە ڕۆ ڕۆ و شیوەنە ئیمشەو
ڕەقیب مەستی مەی و مەم بوو لە کەیف و خۆشەنە ئیمشەو
لە داخان وا دەناڵێنم سەدایێکم نەبیست خۆ من
چ کەس نەیگۆ وەرە لای یار بە یادی گوڵشەنە ئیمشەو
لە بۆیێ من گوتم خۆزیا گوڵێک باما و یا غونچەک
لە یەخەی یار کە هاتیت لە سوخمە و گەردەنە ئیمشەو
بخور و غالبەی زولفی هەزارانی نواندن وا
لە سایەی پەرچەمی تاتا لە هەردوو لا گۆشەنە ئیمشەو
بەڵام سامیناسناوی ئەدەبی سەری ناوە بە داخی دڵ خەریکێتی
بوو بە ئاخ و چییە چارەی خەریکی لۆمەنە ئیمشەو