نیشتمان گیانەکەم
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
494 بینین
هەرچەند ڕەنگین و پڕ لە سامانی
بە نان و دان و میوە و حەیوانی
بەڵام چی لێ کەم کەرەت بۆ ئاغا
هەر شاخەوانی دۆ بۆ شوانی
شوان و گاوانی هەر لە شەوێنان
هێوێنی کابان ڕۆژ و شەوانی
گوڵ و گوڵ خونچە و گەنەمە و وێنجە
بەرهەمی زۆری نەوبەهارانی
هەژاران بێ بەش بۆ زۆردارانە
دڵ ئارامی ناو مێر خوزارانی
بە بادەنۆشین لەگەڵ چاوبازان
خونچە چنینی دەم ڕوبارانی
ئەی شوانی بە «سامناسناوی ئەدەبی» ڕۆڵەی شەوشاخان
گورگی کۆزی خۆت بۆ پێ نازانی