چە خۆشە گەر لە عومرێکا بپرسی یەک دوو جارێکم
لە کتێبی:
دیوانی شاکەلی
بەرهەمی:
شێخ ئەحمەد شاکەلی (1905-1980)
1 خولەک
720 بینین
چە خۆشە گەر لە عومرێکا بپرسی یەک دوو جارێکم
لە تەنهایی و لە ڕیسوایی کە بێ دار و دیارێکم
لە چۆڵی بێ نەواییم دا غەریب و لێو بە بارێکم
لە دەشتی بێ نەشاتیما ئەسیر و زامدارێکم
لە شاری شەوق و شادیدا بەبێ دینار و بێ فلسم
لە بازاڕی هەوەس بازی خەم ئالوودەی خومارێکم
ئەسیری ئارەزوو ئازم زەلیلی تەبعی ناسازم
بە چاوی مەرحەمەت جارێ تەماشا لار و خوارێکم
لە بەر ناسازی ئەخلاقە گرفتاری تەبیعەت مام
بە حاڵی شاکەلیناسناوی ئەدەبی ڕەحمێ فەقیر و هەم هەژارێکم