نەشئەی ڕایحەی باغ و گوڵ و یاسەمەنە
لە کتێبی:
دیوانی خادیم (بەرگی ١)
بەرهەمی:
خادیم (1895-1953)
1 خولەک
735 بینین
نەشئەی ڕایحەی باغ و گوڵ و یاسەمەنە
مەوج ئەدا هەر سەحەری یاخو نەسیمی یەمەنە
بۆ ڕەهی کەعبەی مەقسوودە تەعەللوق کە نەما
بۆ هەموو ڕاهرەوێ خاری موغیلان چەمەنە
حازیری قەلبە ئەگەرچی لە نەزەردا دوورە
شەفەقی شامی غەریبان گوڵی سوبحی وەتەنە
دەست لە ئاغووشی یەکن مەوت و حەیاتم ئیمڕۆ
ڕشتەی پیرەهەنم بەستە بە تاری کەفەنە
دەستی ئالوودە بە تەسبیح لە زوهدا ئێستا
شۆری مەستمە کە ئەم دەستەیە ساغیر شکەنە
خەڵعەتی فەقرە لە بەرما کە ئەچم بۆ غوربەت
خەرقە ئالوودە بەمەی ڕشتەی «حب الوطن»ە
شەرتی عاشیق ئەمەیە خۆی وەکو مەعشووقی بێ
نەقشی شیرین کە ئەکێشی هونەری کۆهکەنە
کەی وەکو بلبل ئەسیری قەفەسە نیگاری گوڵ؟
جێگەی ڕەحمە بە ڕۆحی کە گورفتاری تەنە
جوز پەشیمانی نییە حاسڵی شیعرت خادیمناسناوی ئەدەبی
مەسرەعت هەردوو بەیەک وەک کەفی ئەفسووسی منە