ئینسان

ئینسان
ژانی ئینسان
لە سلاک بوون و سوێدا
لە دروستکردنی نەوەی نوێدا
جیاوازییان
جیاوازی نێوان:
خەمی ڕەش و خەمی سپییە
ئاهورامەزدانی ئاهەنگ و ئەهریمەنی کپییە
ئینسان
مەزنی بۆ ئینسانئینسان
لە ئەندێشەیدا:
هەژین
لە قووڵبوونەوەیدا
هونەر
لە تێکەڵبوونیدا:
ژان
ژانی ئینسانی بنیاتنەر
ئینسان
پیرۆزی بۆ ئینسانئینسان
لە منداڵیشدا
کە دەمرێ
خەم.. خەمی ئینسانە
کوژاندنەوەی ئینسانە
کۆچی ئینسانە
ئینسان
ئەمری بۆ ئینسانئینسان
ئەو ئاسنەی دەچەقێتە گیانی،
هەنسکە بڕێیەتی
ئەو نەخۆشییەی لاوازی دەکا،
زەردووییەتی
ئەو پەتەی دەچێتە گەردنی
دەخنکێ
تەنانەت مەرگ
لە بەردەمی ئینساندا
چاو دادەخا و
چۆک دادەدائینسان
مەزنی و پیرۆزی و زیندەگانییە
ئینسان
ئاشتی و ئاسوودەیی و شارستانییە
ئینسان
هەموو شتێکی ئینسانییە