گرفتارم بە جیلوەی چاوی ڕەشت
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
1 بینین
گرفتارم بە جیلوەی چاوی ڕەشت
سەراسیمەم بە شوعلەی کوڵمی گەشت
ئەوە شوعاعی سۆزی من بوو دڵم
بریسکەی دا لە ڕوخساری مەهوەشت
بارانی نووری یەزدانی لە سەردا
دەبارێتە سەر لالەزاری لەشت
خودا دایم دەستی بە باڵتەوە بێ
تا خەم نەبینێ دڵەکەی بێ غەشت
هوەیدایە لە دڵتا ناتیقناسناوی ئەدەبی عیشقێ
پێی بزانە کە شێخت داویە بەشت