عەرزی بکەن بادی سەبا نوشتەم بۆ خزمەت دۆس ببا
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
1005 بینین
عەرزی بکەن بادی سەبا نوشتەم بۆ خزمەت دۆس ببا
قەد دڵی نەشکێنێ نەبا ڕەنجی فەرهادیم با بە با
ئەو دڵبەرەی سیمین عورزا سەهی قامەتی لالەزار
دەهان شکۆفەی دەم بەهار با جارێ بڵێت مەرحەبا
جانم نیساری راهی ئەو نەزمم خەرمانەی ماهی ئەو
یاڕەب بە حورمەت جاهی ئەو ببەخشێ ماچێ لەو لەبا
سوجدە ئەبەم ئەبەر دەری دەم دەم لە لێوی شەککەری
بۆنی ئەکەم نیلوفەڕی دامێنی جوببەی تا عەبا
حەزرەتێ حیسامی دین بێ لەگەڵ ئەولیاهان قەرین بێ
جێگەداری بەهادین بێ با موڵکی دڵ بە غارەت با
ئەی پرتەوی سیراجی دین وەی مەهی ئاسمان و زەمین
لوتفت دەوای دڵی حەزین جەلات ژەنگی ڕۆح لا ئەبا
ناتیقناسناوی ئەدەبی وەسفی ئەو حەزرەتە کە مەخزەنی ڕیازەتە
بۆ کەسێ وەک تۆ زەحمەتە چونکە شاهنامەیەک ئەبا